Weekend

Huet hend miar schu dr letschti Schualtag kha vu dera Wucha... isch u schnell verbi ganga... jeda Fritig hend miar jetzt American Culture + Idoms (Redewendiga), viel hend eba am Fritig gar kei Schual me... Bin jetzt offiziel a hawaiianischi Studentin :-) sind huet eba dr Studentauswis go macha...

Huet Obig isch nomol a BBQ, aber jetzt in dr Kaimuki Residenz... hoffa i macha den kli me Foetali, bis jetzt han i naemlich no nit so viel gmacht... aber bin jo no 9 Wucha in Hawaii...

Sandra, du wirsch as nit glauba, aber do isch doch tatsaechlich eina vu Klosters... dr Armin Schmid (bim Nochnama bin i miar nuem sicher)... er het di und Chrigi mol kennt... so luschtig, d'Welt isch eba doch kli... leider goht er schu bald wieder... er soett huet Obig au an BBQ kho, so kann i ev. as Foti vu ihm macha...

Morn goehn miar an North Shore Beach... das isch doet wo's dia grossa Wella git... natuerlich machen miar au an stopp bi dr Ananas Plantage... D'Daniela het grad vorher no as Auto reserviart... Eigentlich hend mir jo wella so an Jeep Wrangler miata, aber dia sind viel tuerer als dia andera Autos... jetzt hend miar eifach an Chevrolet...

Simona, am Sunntig goehn miar wahrschinlich an din Liablingsstrand.... und wo isch schu wieder ds One Dollar Kino? Am Ward Center bin i schu mol verbi gfahra, aber no nia dina gsi... ach i muass no so viel aluaga...

Also, i wuenscha eu allna ganz a schoens Weekend!

Liaba Gruass us Hawaii