Dienstag / Mittwoch

Geschter bin i ds erschta Mol an da berüahmti Waikiki Beach ganga… ds erscht hend miar grad müassa bim Duke – dr Surfergott – a Fotistopp ilegga und nochher hend miar üs as Plätzli gsuacht… i find dä Beach nit mol so schlecht und trotz da viela Lüt isch dr Strand und ds Meer recht suber! Am Obig sind miar mit dr Schual no schnell in dia Mai Tai Bar und den uf dia halb 11 sind miar den mol endlich ins Moose ganga… do miar aber alli recht kaputti gsi sind, sind miar recht schnell wieder Hei… Jeda Dsiestig sind döt eba alli Drinks 1 Dollar und natürlich dia wo i gära han 3 Dollar…. Am 1 bin i denn au endlich im Bett gsi und i glauba, min Rucka hets sich schu langsam an dia weich Matraza gwöhnt, han mol nüm so fescht Ruckaweh…

Hüt bin i noch dr Schual direkt an Ala Moana Beach ganga, dä isch eba grad bi dr Schual und as het amigs nit so viel Lüt… hüt isch as recht windig gsi und mängmol hets sogar a kli tröpflet… am Obig sind Daniela und i no in A & F… han schu an Pulli kauft… leider isch as halt kli an türera Lada, sust würd i dä glaub leer kaufa… ;-) Han den wella dr Bus zruck ne und dä Bus isch und isch nit kho… aber do in Hawaii isch das eba üblich, dr Bus kunnt denn wenn er will… in dr Schwiz unvorstellbar… d’Haltestella sind nit mol mit Näma agschrieba und an Fahrplan gits au nit würklich! Aber do i nur 15- 20 Minuta ds Fuass vu miner Residenz bis zur Schual han, isch as nit so tragisch… aber as isch halt schu a Umstellig!

Isch no lustig in dr Schwiz bin i immer ir letschta Minuta ufgstanda und do verwach i sogar vor am Wecker und bin drfür am Obig recht schnell müad…

big hug & kiss from Honolulu