Am Obig sind miar den in d'Tiki's Bar go ds Nachtessa und nocher in ds Duke's no öpis go trinka! Sind den wieder Hei glofa (iar gsehn i laufa do sehr viel) und bin froh gsi, dass i nit ds spot Dahei gsi bin...
Am Sunntig han i den mol könna kli usschlofa, het richtig guat tua und uf dia Mittag han i mi dden richtig Ala Moana Beach gmacht und gwartet bis Daniela mit am Mittag essa fertig isch... nocher sind miar mit am Bus an Kalua Beach! Sind leider im a Bummler glandet und hend dörfa kli dia Dörfli go besichtiga... ;-) Sind den aber glich irgendwenn mol no akho... Leider isch ds Wetter döt nit so super gsi, as het wieder mega gwindet und as het riesigi Wolka am Himmel kha... dr Strand wär mega schön - ds Meer isch türklisblau und dr Sand isch butterweich, aber ds Wetter halt nit guat gsi...
Kumma jetzt grad vum Schoggi Fondue zruck! Isch mega fein gsi - Öpfel und Ananas kann i sehr empfehla... :-) As wird sicher nit ds letschta Schoggi Fondue gsi si.... Jetzt fehlt nur no ds Raclette und i wär im Paradies ;-)
I wünscha eu allna no an schöna Ostermäntig und dia wo in da Berga sind, gnüssen ds schöna Wetter (Tobs, warta immer no uf dis mms ;-))
I muass leider morn wieder in d'Schual, aber am Mittwuch han i jo den au frei...
Keine Kommentare:
Kommentar veröffentlichen