Einmal um die Insel

Für das Weekend hend miar nomol as Auto gmiatet und sind in dena zwei Tag praktisch um d'Insla gfahra...


Am 9 isch üsi Tour schu los ganga... ds erscht sind miar Pearl Harbor go aluga! Isch nit so speziell gsi, sind drum au schnell wieder ganga. Zum ina go, het ma fast 40 $ müassa zahla!

Nocher is witer zur Ananas Plantaga ganga und natürlich sind miar mit em Express-Zügli durch Plantage gfahra und am Schluss het jeda no a Stück Ananas kriagt...

Nochdem miar am North Shore Beach kli gsünnelet hend, sind miar d'Westküsta durab Hei gfahra... leider hend miar nit könna ar Küsta entlang fahra und ds Hus vum Jack Johnson hend miar au nit gseh... drfür hets mit dem Wind a lustigs Fötali mit Fönfrisur geh ;-)

Am Obig isch den no a Abschiedsparty gsi und wia's do so isch, isch wieder mol Karaoke agsait gsi... :-) Aber sind nit so lang blieba, do miar jo alli recht kaputti gsi sind und am nögsta Tag wieder früah usa hend müassa...

Am Sunntig sind miar den wieder am 9 abgfahra und richtig Kaneohe zum dr Tempel gfahra! Dä Tempel isch mega schön und am Afang muasch an Gong schlo zum um Erlaubnis froga!

Nocher sind miar d'Ostküsta duruf gfahra und hend bim wunderschöna Strand Waimea Bay halt gmacht und üs kli erholt! Do's recht gluftet het, hend miar am Schluss alli usgseh wia paniarti Schnitzali... ;-)

So, das wär jetzt schu mis dritta Weekend gsi in Hawaii, dia Zit rast wia verruckt...

Wünscha eu no an schöna Wuchaafang!

Liaba Gruass us dr Wärmi

Kesang

Karaoke

Aloha!

I han jo gsait, dass d'Schual am Fritig kli anders isch als sust, aber huet sind miar doch tatsaechlich go Karaoke singa am 10 am Morga...

Am Afang bin i nit so begeisteret gsi, aber as isch immerhin besser als Schual... Aber noch dem dr Roger Doger mol los glait hend, sind miar den au langsam in Fahrt kho und bis zum Schluss hets no richtig Spass gmacht... hend am Schluss gar nit wella hoera...

Duke's

Gester sind miar in ds Duke's go essa, isch mega fein gsi und d'Portiona sind fuer eimol grad richtig gsi, drum hets am Schluss au no fuer as Dessert glanget.... dae Hula Pie isch so gross gsi, dass miar na ues locker ds 5 hend koenna teila...

Beach-Day

Do miar eba am Mittwoch frei kha hend, sind miar vum 12 bis am 7 am Army Beach gsi... isch mega schön gsi, vor allem isch ds Wetter richtig super gsi! Do miar bis am Obig blieba sind, hend miar grad no könna dr Sunnauntergang aluga!

Am Obig sind miar den no in Taco Bell go essa...isch mega fein gsi und vor allem mega günstig - an Soft Taco het nur 1 Dollar kostet...

Moose

Am Dsiestig isch wieder Moose gsi und do am nögsta Schualfrei gsi isch, sind au as paar Lehrer uftaucht... do no as paar Bilder

Vanessa, an Lehrer & Sonja

Michelle & Nina

I, Sebastian, Nina, Vanessa & Sonja

Roger & i

Daniela, Vanessa, Nina und Michelle