The North Shore / Kailua Bay

Am Fritig sind miar jo no am BBQ in dr Kaimuki gsi… sind recht viel Lüt gsi und d’Jäpsa hend natürlich dia ganz Zit gfötalet… irgendwenn het’s den gheissa „the party is over“ und miar hend müassa üses Züg packa und go… dia Nochbura sind do alli kli müahsam… aber miar hend jo am nögsta Tag wieder müassa früah ufstoh…

Am 8 het d’Daniela könna ds Auto am Flughafa go abhola und si het au alles guat gfunda, aber si het halt doch müassa ¾ Stund uf da Yves warta… er het si nit gfunda ;-) drbi isch dr Flughafa vu Hawaii würklich nit so gross… Nochdem si sich den endlich gfunda hend, sind miar Richtig North Shore gfahra… sind an dr Ananas Plantage verbi gfahra und hend den am North Shore Beach aghalta… d’Wella sind nit sooo gross gsi, aber as het doch as paar Surfer kha… und miar hend tatsächlich zwei u herzigi Schildkrot gseh, si hend immer so herzig d’Köpfli usagstreckt… Aschlüssend sind miar no kli ds Surfer-Städtli Haleiwa aluaga und hend den wella an Turtle Bay go. Dä het mi aber u enttüscht, han kei einziga Turtle gseh und au sust isch as nit so guat gsi. So hend miar üs entschlossa, an da Waimea Beach ds go und as het sich au mega glohnt… isch an mega schöna Strand und ds Meer isch super, eifach kli kalt!

Am Obig sind miar no schnell zum a Abschied vum a Student und den sind miar am Strand entlang Hei gschlenderet…

Am Sunntig isch mi den Daniela und ihra neu Gastbruader (er isch au vur Schwiz) go abhola und miar sind zum Kailua Bay gfahra… Leider isch ds Wetter nit so guat gsi! As het mega gwindet und d’Sunna isch au nur ab und zua führa kho…

Isch as mega schöns Weekend gsi, schad het ds Wetter nit so mitgspielt…

Hoffa iar hend au alli as guats Weekend kha und hoffa, dass as eu allna guat goht…

Übrigens bin i den 11 Stund hina dri und wenn den Zitumstellig isch, sind’s 12 Stund... han immer no mini Schwizernummer, aber zum länger telefoniara, würd i den in a Telefonkabina go oder so…

Ganz an liaba Gruass us am Aloha State