Kauai

Am Fritig Morge am 9 sind miar vu Honolulu uf Lihue, Kauai gfloge. Dr Flug isch nur ca. a halb Stund ganga, so sind miar schu wieder glandet... Nachdaem miar wieder üsa PT Cruiser gfasst hend sind miar richtig Blowhole im Süda gfahre. Das isch as Loch im Bode und wenn a Wella kunnt, sprüzt ds Wasser wie an Springbrunna us däm Loch usa! Isch mega idrücklich gsi!

Nocher hend miar üs uf da Weg richtig Akaka Falls gmacht... isch mega idrücklich gsi, wia dia zwei Wasserfäll döt aba plätscherend...

Am Samstig sind miar zum Waimea Canyon! Au das isch wieder mega idrücklich gsi... miar hend grad no Glück kha mit am Wetter, as het zwor mängmol recht aba gsaicht, aber für d'Fötali hets immer no glangt... uf da Fötali gseht ma halt dia farbapracht nit so guat wia in Natur...

Noch am a kurza Boxastopp im Subway sind miar au scho witer an da Polihale State Beach Park. Nach dr Fahrt über unteerti Strossa, wo mit am Miatwaga verbota isch sind miar im Paradies akho... as het riesigi Wella kha, do isch dr North Shore grad nüt drgega... as het sogar eina kha, wo döt isch go surfa und er hets echt no im Griff kha... aber go schwimma hesch döt nit könna, d'Strömig isch viel ds stark gsi!

Am Sunntig hend miar eignetlich wella mit am Catamaran zur Na Pali Coast fahre, aber do miar üs im Vorus nit informiart hend, sind miar am falscha Ort gsi... So sind miar halt kli go wandera - Maus, du wärsch echt stolz uf mi! Sind über Stock und (vor allem) Stei glofa und dr Weg isch mega schmol und as goht fast senk ds Loch durab! Noch einahalb Stund hi und ei Stund retour sind miar den aber me oder weniger heil wieder bim Auto akho...

Kauai heisst jo au the garden island und as het dä Nama also au verdiant, isch echt mega grüan, eifach traumhaft... as regnet halt au u viel und in Kauai isch au dr regarichsti Tag... drum sind au fast alli Hüser uf Stelza baut...

Jetzt verstohn i au, wieso so viel Film uf dera Insla dreht worda isch, d'Kulisa uf Kauai für zum Bispiel Jurassic Parc isch eifach perfekt!

So, das wär mis Weekend in Kauai gsi, bin immer no total kaputti, isch alles so idrücklich gsi!

Druck eu ganz fescht!

Diamond Head

Am Mittwuch han i d'Schualbüacher uf d'Sita gleit und bin stattdessa uf da Diamantakopf ganga...

Dr 40 minütig Ufstieg het sich also glohnt... ds Obserst het ma a mega Usicht über Waikiki...

So het ma sölla usgrüstet si, aber miar sind mit Flip Flops und Ballerinas dr Krater duruf

und mit wissa Kleider...

Für alli Zürcher!


D'Usicht uf Waikiki

Kokua Festival

Das Weekend isch do ds Kokua Festival gsi, wo unter anderem dr Jack Johnson gspielt het! Do ds Festival sit am erschta Tag usverkauft gsi isch, hend miar muassa vum Park us zualossa, hets ghoert, aber halt nit so lut... er het sogar mis Liablingsliad gspielt: Banana Pancake!

Noch am Konzert sind miar den zu miner Residenz, hend zaemma Spaghetti kocht und in min Geburi gfiirt... isch an unvergesslicha Geburi gsi!

Am Sunntig sind miar den alli zaemma an Strand und hend d'Sunna gnossa! As isch zum Glueck endlich wieder schoen! Am Obig hend miar no as klises BBQ ir Kaimuki gmach und so ds Weekend usklinga lo...

Danka nomol fuer all dia Calls, Mail und SMS - ha mi mega gfreud, dass iar au ir Ferni an mi denkt hend!

Bilder koemmen bald, han eba wieder mol Problem mit am Internet ir Residenz und ir Schual gohts immer so lang...

Das Weekend goehn miar uebrigens uf Kauai, das isch dia gruansti Insla vu Hawaii und nennt si drum au Garden Island!

Meld mi bald wieder!

Mutzi us Hawaii

Pics from Big Island

Do hets mol a paar Pics, anderi folgen no....